加拿大寬頻上網與香港的比較
經常有新來的朋友問我，加拿大的家居寬頻上網和香港的有咩野唔同，申請的時候有邊d需要注意的地方？我們稍微總結了幾點：
相同的地方有呢幾個方面：
1. 對各家寬頻公司都有一定的刻板印象，例如在香港，Netvigator網上行最快但最貴、香港寬頻性價比OK、有線寬頻就……，加拿大對應的就係，Bell和Telus的光纖最快但最貴，Rogers和Shaw的Cable就經常促銷性價比不錯，幾家小公司價錢非常好但後續就問題多多。
2. 對新客比舊客好，係香港如果合約到期自動續約，你會發現價錢貴好多，同樣情況係加拿大都一樣存在，例如Bell經常給新客$40/月的優惠，但是只有12個月，如果到期之後你沒主動聯繫去講價，價錢就會回復返原價。
3. 用唔同的渠道申請，價格可以有較大區別。在香港大家都有經驗，如果響街站申請的價格通常會比係網上申請平好多。係加拿大有同樣的情況，在網上或公司門店申請的價格會比係超市Kiosk，細經銷商的貴好多。
唔同的地方都呢幾個方面：
1. 合約限制。在香港通常要簽36個月合約，先至可以有免安裝費，月費打折等服務。加拿大呢兩年已經基本取消了寬頻業務的合約要求，改為由運營商單方面承諾一定限期的優惠，例如頭12個月月費減$40。但亦都因為無合約，所以加拿大的運營商可以隨時加價，只要提前30天通知客戶即可。
2. 寬頻入屋的技術。香港近十年就已經普及了光纖線路入屋，速度和穩定性要比以前明顯提高了不少。但加拿大地廣人稀，目前的入屋線路依然係以傳統地線和電視同軸線為主，只有部分地區和新建公寓樓實現了光纖入屋。所以係加拿大使用家居寬頻業務會時不時發現不夠穩定，速度受限制的情況。
3. 捆綁成組合銷售。香港的寬頻市場競爭激烈，各家公司的服務都比較集中。但加拿大的運營商通常都同時運營電視台、手機上網、家居安防和家居電話等多項業務，所以呢邊流行的是多項產品捆綁成組合去銷售。好處是通常比單獨只開一個服務優惠好多，亦都無需分幾個賬單繳費。
4. 最大的唔同係價錢！香港公認最貴的Navigator網上行1000M通常係HKD$198/CAD$32，加拿大常見的150M價錢係 CAD$100 CAD/HKD$615，如果肯花一些時間找經銷商落單，有機會拿到新客Promo可以減至 CAD$60/HKD$366 HKD。 比起香港又快又平的網絡服務, 加拿大網絡的價格真係有如天價。但向另一方面去想, 如果努力去格下價, 拎到個平靚正的優惠, 又幾有滿足感嘅~